dimanche, 14 novembre 2021 02:42

Haakakai no Tamapohue – Légende de Tamapohue – Ua Huna

Haakakai no Tamapohue
haakakaiìa e Joseph Tehauhaamau VAATETE

 

Tēnei toa, o Tamapohue, e noho nei i te tahatai o Katoahu. Te hana i te tau â, e tuki i te kōèhi. Ia haamata tēnei toa i te tuki i te kōèhi, ua pūkina te tau motua no ta âtou tau moî. Ia òno i te tani i no he hōana, ua koìta tēnei tau pahoè aòè e mau hakaùa i te tau motua kui i te tāmau. No te kōnini o te tani keâ i no he hōana, paotū te tau moî e heke. Ia makimaki Tamapohue e haahee mai i te tau moî, ua tuki i te kōèhi.

I tītahi ava, ua maakau te motua me te kui o Tamapohue, e haanoho i ta âua tama me te vehine. No tēnei nuina pootu, pēhea ?

corail uahuna

Io tītahi vahi i te kēkē kōutu i tai, e vai nei tītahi akau òa hee i vaho. I èià Tamapohue e kaukau nei i te tai. Pēhea te vae i te pootu na Tamapohue ? Te ūinaò i tukuìa : e keèe i te tau pahoè paotū e hee io tēnei vahi. Te pootu i koàna i te tīhina ia Tamapohue i to he tai, oia à te noho me īa. Ua tihe te pootu paotū, aòè e hina Tamapohue, pēhea à he toa... I tēnei, te pootu i hīaìa e Tamapohue, i èià īa e haatopa ai i to he tai. I èià i koàna mai ai to īa hoa.

Tēnei tekao o Tamapohue, i Nuku Hiva to īa paoìa. Io te paepae o Pikivehine. I èià te vahi i kaveìa e teâ toa. Te peàu i te ava a Tamapohue i vae i to īa hoa, ua pakuìa tēnei tau pahoè me te pani i ùna o tēnei paepae o Pikivehine. I èià te tukiìa i te kōèhi, hakatu e hana kē anatu tēnei hana, e hana vehine. Aê he tukiìa kōèhi hakaùa, e tukiìa vehine.

corail ua huka


© Te Haè tuhuka èo ènana - Académie marquisienne – Māhinaihea/septembre 2021

 

Propulsé par CComment

Haatumu

Culture

Joomla Template by ThemeXpert