001 - Te hetū (L’étoile) – CM1/CM2 no Vaipaee, Ua Huna
|
I te pō keevō Me he tau manu Ùna o te àni. Me he moni kiki I ùna te paè Haatepēiù. Tūìa Nāpeka Me he hakaìki Pī i te koakoa. |
002 – No to ù kui (Pour ma mère) – CM1b, CSP no Hakahau, Ua Pou
|
No mātou nui, Tiàtohu koe E tāhia nui.
I te pō pōtako ; Hīmene kōnini, koè takanini. |
Puàha ananu ; Mata katakata No mātou, koù.
E te poe hei, Na koe te hei Motumotu koè. |
003 – Tīaè (Tiare) – CP CSP Atuona, Hiva Oa
|
Na teâ pāhoè E tū te pootu O te pokoèhu.
Na te tama hou E poèa naè Te pōìti hou.
E tiaè tēnei I te â koìna O to ù tupuna. |
004 – Na to ù òna kui (Pour ma chère mère) – Leslie SANTOS, CE1 no Puamau, Hiva Oa
|
Tai heke ana I te taetae I haapupuni.
U koàna mai Te kuà pūkava Pōnionio ti.
Tāhia nui e Tuu atu au Te pūkava paki. |
005 – Kumuhei – Tiare RAIHEUI, Neil HUHINA, Rose-Marie HUHINA
me Carl-Émile TOUATEKINA, CP no Puamau, Hiva Oa
|
Òutī te kooi Hohope tēnei Òriòri nei e. |
006 – Te mātua honu (Monsieur Tortue) – Caroline TEVENINO,
Joseph NAPUAUHI me Dominique, CE1 no Puamau, Hiva Oa
|
Ua hiti mai Mātua Honu e No he one tea. |
Heau te mata Kaituto ana Ma hea te tihe mai ? |
007 – Te pua kāùpe (La fleur du « pua ènana ») -
Caroline TEVENINO, CE1 no Puamau, Hiva Oa
|
Au ia òe, Te pua kāùpe. I hea to noho ? |
Me i ùna mai Eīa au nei I Vaiani e. |
008- E toù ànimara i mua to ù faè (Il y a trois animaux devant ma maison)
SM no Hanaiapa, Hiva Oa
|
Koè nui te òno. Na tātou e ìmi, E potu pūtuì.
Na tātou e hano. Koè nui te vai pu, E moa īa mea kai pu.
Na tātou e humu. Koè nui te taki, E kaiìa te kaki. |
009 – Ùmuhei – CE1 no Hanaiapa, Hiva Oa
|
Mea kanahau te pua, Pua kakaa tēnei, Te pua mea ùmuhei.
Kāùpe kuuhua, Te mine vairoti, Te pūahi pūkiki.
Humu me te tau pua, Tūtū me te pani, Ua pao te ùmuhei. |
010 – Te tai (La mer) – CP, CE1 no Nahoe, Hiva Oa
|
Pupuà te tai, E māòna hoì Ia hī i te ià, Mēmau pohuè No tenā ènata Haataetae, E pohoè òe. |
011 – Te èhi vahi (Fendre les cocos/Le coprah) – CP no Hanaiapa, Hiva Oa
|
Nui te tumu èhi Nui te èhi vahi Nui te kete èhi Nui ta tātou moni.
Na īa e too mai Na īa e pāona nei Na īa e utu nei.
E kanahau oo īa E èhi māìta E èhi moni. |
012 – Te keukeu (La chèvre) – CM1 no Atuona, Hiva Oa
|
Mea taùtaù E kere to īa E ùumitia.
To ù kooūa Haapei te umu No te tao ia īa.
Te i humutia I to he pāpua Pohoè ! te keukeu… |
013 – Te ùmuhei – CM2 no Atuona, Hiva Oa
|
Kāneatia e te tau kaìoi No te haakekaa ia âtou Mea haakekaa ia ù. Me te nuitina kekaa Oia hoì te tiaè, te pītate, Te faahoka, te mine, te pua kāùpe. Hana èkaèka tēnei na te tau vehine Kekaa nui to ù òuoho i te ùmuhei Mea kanahau no ù te ùmuhei. |
014 – Te tumuèhi (Le cocotier) – Te pāòto tama hou no Taaoa, Hiva Oa
|
Vetitvetitia Kānea àpau E kātumu ahi To ù tumu tēnei A kokoti, a ketu, E taetae nui tenā Me i kiu mai. To ù àu tēnei A keàna ia ù No te haamau I to òe tino.
A humu, a tahu ! E keàpatia I te vaanui. Tini te kākano No te haaoka I no he kōniu Kōniu purumi. A tiàu mai I te vaiòè No te haamoû I to maovai.
To ù keikaha Hakaeke faè Pona ama vaa. Haanaunau I to ù pootu O au tēnei O te òno nui. O au tēnei O te tumuèhi To òe pohoè Te tama ènata. |
015 – Te piha (Le bœuf/la vache) – Teikihaa AH-LO, CM2B no Hakahau, Ua Pou
|
Paka i te vai Piha patapata Io he kaavai Kere nihi poto Taki kooūa Piha kai âtiko I te taì papa. |
He toa mātuku I te kaokao tuaivi Tiòhi ia mātou. Tua huuhuu Huu veò òa Kōpū taùtaù Upoko karaihā. |
016 – Te piha (Le bœuf/la vache) – Kuha PAHUIRI, CM2B no Hakahau, Ua Pou
|
Piha kaipekā Taki tuìtuì Piha inu vai.
Ma he èpo hoo Piha uē i te pō Piha taki te uē.
Ia kite pūkiki Te piha rere pu Ia taki te puhi. |
017 – Te menē (La chèvre) – Kevin, Taheta, Richard me Élisabeth, CM2C no Hakahau, Ua Pou
|
Io he tuaivi No te hano e kai I te èitā tee. |
I tītahi ènana Ma he maaèitā Ua rere te menē. |
018 – To òe henua (Ton pays) – CP, CE1 no Hane, Ua Huna
|
E ta ù tama e A tiòhi i tai ! A tiòhi i uta ! A tiòhi i ùna ! A tiòhi i àò ! |
To òe henua Na te tau tupuna I vai mai no òe. |
019 – Taitīpaero (Nom d’un cheval)
|
Mea toa īa Mea hana īa E hoare koi. E hoare vaè Haataetae Te tau tōìki Me te manihii. |
Mea kanahau Ia koi īa Me to īa moû. Auē te mahaò Taitīpaero To tātou hoare Mata keekee. |
020 – To ù pohuèìa (Ma vie) – CM1 no Ioteve Peàto no Taiohae, Nuku Hiva
|
I te pohuè òa I te koekoe moû I te pakaihiìa. |
I tu ù huaa I tu ù haètoa I tu ù henua. |
021 – Te moa (La poule/le coq/le poulet) – Brigitte HIKUTINI, CM2 B no Hakahau, Ua Pou
|
Te moa kaipekā Te moa rere pu Ma he oatea. |
Te moa pāpāuō Èo tuìtuì Hiamoe i te pō. |
022 – Te moa (La poule/le coq/le poulet) – Basile KOHUMOETINI, CM2 B no Hakahau, Ua Pou
|
Te nino māìta Te pata pūkiki Rere ma he èitā. |
Kai i te kākaa Veò keekee Taki oatea. |
023 – Te piha (Le bœuf/la vache) – Vaiana, Kameha, Sylvia me Hapai, CM2 C no Hakahau, Ua Pou
|
E inu i te vai Ua kai i te èitā I te pōpōuì. |
Ua mākona īa Hānau ta īa kaiū E kai i te vaiū. |
024 – Te puaka (Le cochon) – Francky, Keàni, Cindy me Hiatai, CM2 C no Hakahau, Ua Pou
|
Ma he maaèitā Ua topa te mako Ma ùka o te upoko.
E inu i te vai Ua kai i te kava I te pōpōuì.
Ma he vaanui Tihe io te ùa Hano i te kaikai. |
025 – Te kori (La fourmi) – Judith TEIKITOHE, CM B no Hakahau, Ua Pou
|
Te kori pāpāuō Te kori piàu Hee ma he èpo
Kori pōpororō Te kori kaipekā E tōtoi te èò.
Kori noho haè Te kori rurui Kori keekee. |
026 – Te potu (Le chat) – Hoka, Hervé, Mélodie me Teii, CM2 C no Hakahau, Ua Pou
|
Hee ma he èitā Tihe io te ùa Hano i te kioè. Ua hee te potu Ma he vaanui I ta īa kai Tomi me te kahu. |
Io he maapua Hano i te moa Ma he tumuâkau. Ua tihe te potu Ma te tua moa Hano e kūmia I ùka he tumu. |
027 – Te peto (Le chien) – Pua, Tahiatapu, Vaehina me Hiana, CM C no Hakahau, Ua Pou
|
Ma he vaanui Tihe io to īa kui Ma te kaokao.
Ua kiiete īa I to īa kui Io he vaanui.
Ma ùka he veo Tihe i te tumu Para io he kaù. |
028 – Te kākaa (Le lézard gecko) – CM A, CSP no Hakahau, Ua Pou
|
Kākaa noho haè Kākaa māìta Rere ma he àma. Kākaa rere pu Ma he pāpāoa Kākaa koi pu Ia puà te àma. |
Taki tuìtuì Pakakina te èo Kākaa rurui. Kākaa kaipekā Tōtoi te èò Veò pōpororō Kākaa ènana. |
029 – To ù hoare (Mon cheval) – CM1, CM2 no Vaipaee, Ua Huna
|
Mea toa īa E hoare vaè Mea koi īa. Mea taùtaù E hoare oko Hoare haataetae I te manihii. |
Mea kanahau Mea hana īa Mea koi īa. Me to īa moû E hoare ôpū Hoare meitaì Tēnei hoare. |
030 – Te honu (La tortue) – CM2 C, CSP no Hakahau, Ua Pou
|
Me i te oatea Ùku no te hano E kai i te ika. Honu tua ìmu Io he tai anake To koe hakatu Koi ia rere. |
Paìneke moû No te hakatihe Io he ùa hānau. Hakatohitohi pē I ta īa māmaì Tomi io he one To too io he tai. |
031 – Kòee nui (La grande anguille) – CM1, CM2 no Vaipaee, Ua Huna
|
Vaipunatea Ua moe mate Kōee nui e. Tino patapata Puaìna rere Veò varevare Mata kina īa. |
Vaipunavao Ua panapana Te kōuà fiō. Hua hope ana Kooi mōmona Upoo tūtae E kai nā kōee. |
032 – Te tai (La mer) – Violette B. – CM2 B no Hakahau, Ua Pou
|
I te hope henua Ta tai kavakava E pī io he one.
E tomo i òto O te vāvāpātai Me te tai òto.
E tai pokopoko E ikuiku tai E tai no pāoko. |
033 – Te tau â (Les jours) – CM1 o Taiohae
|
Hakako te èo no te tama Muì iho, e anaunau oko Te tau reta no te tetau maratī Āpuu meitaì meretī i te ikoa Tāhia nui òomi menava i te ikoa Na iutī i haatapu nui i te hīa Koakoa nui, èkaèka nui haataetae te hīa. Na venini i vevaò te nūmera No te haamau koekoe i te tau nūmera E haapeipei toitoi ana ia tāmetī No te koìka nui âtapu me tāmetī. |
034 – Te òumati (Le soleil) – CM1, CM2 no Fatuiva
|
Ua uà te ahi Pōnionio te ata Veàveà no īa. |
te fenua tumu Te i naò i te pō Te i tū nei no te ao. |
035 – Te pua tiaè (La fleur de tiare) – CM1, CM2 no Fatuiva
|
I te tuputina E hei no ù nei e E kekaa no òe. |
O to īa îìma Puàha i te pō No ù i te ao. |
036 – Te tumumei – L’arbre à pain – Tau tōìki no Hakatao, Ua Pou
|
Makamaka nui Kāhui te mei Kii keekee. Nanu io he èpo I àò te aka Tupu io he keâ I àò te èpo. |
E pī i te àu He kāìèìa Na te ènana. He pootu koe Vāveka o te tau tumu He poèa koe Tumu kanahau. |
037 – Te mei (Le fruit à pain) – CP, CE1, CE2 no Hakatao, Ua Pou
|
Ki taataa He èpau māìta E kooūa pāhio. He kiko peehū Òto o te kii Pī i te pukupuku No ta ù kaakū. |
Hōhonu i òto E pātiaìa Pūkiki te kōmata. Puku kanahau Me io he âkau I hakatupu No ta ù pōpõi. |
038 – Te àu mei_1 (La feuille d’arbre à pain_1) – CE1, CE2 no Hakatao, Ua Pou
|
E àu putaputa Òutī te àu E tiòhi te àu. Àu nihinihi Keàpa i mua Òa tiketike Makamaka nui. |
E èva te àu Te puke tōìki Tiòhi ia mātou. Keu te metaki Àu kaèkaè Hekeheke mai Àu òutītee. |
039 – Te àu mei_2 (La feuille d’arbre à pain_2) – CE1, CE2 no Hakatao, Ua Pou
|
Àu òìòì Pupuà to koe Àu paìpaì. Kata èpau E àu pē nui Enā io he tumu Enā a pī nui. |
Òutī nui koe Koè putaputa Topa mai koe. Àu maka nui Àu kanahau Tokatoka nui Koe, na mātou. |
040 – Te heikai vaihopu (Le heikai vaihopu) – CP, CE1, CE2 no Hakatao, Ua Pou
|
A taki te uho Kokoti te mei Vai èka te kiko. E heka te èhi E tahu te ahi E tuku te keâ Ahi veàveà. |
Kōèhi kukuu No ta ù heikai Kāvii mōuku. Maikoke te keâ Kōmahi kōèhi E kaakū kena No ta ù heikai. |
041 – Te tumumako (Le manguier) – CM1 B no Hakahau, Ua Pou
|
I nanu ia koe I tupu ai koe Me he vaipuna. Tumu pokohoho Me he mohomoho Nui te èhua I te pāpua. |
Kaò pu te pua Èeva te maka Toko i te puku. Puku kai hei Na mātou nei Koù te tupuna Mako punapuna. |
042 – Te manu o Nuku Hiva (L’oiseau de Nuku Hiva) – CM1, CM2 no Vaipaee – Ua Huna
|
To īa kanahau oko To īa pekeheu māìta To īa pupuà io he pō Hinenaò ana ia īa.
Me te òri io he àki Kanahau te moemoeā Me to īa ìi oko nui.
To īa kakaa te pītate To īa kanahau vii pu Ia hee atu te kuhane. |
043 – Te pua (La fleur) – Maite Tamarii, pāòto 4A, haèhāmani tuaùa no Ua Pou
|
E tui i te hei mea āpuu E pua kanahau ia tiòhi Kohi au i te pua mea tāpī.
No te kanahau o to ù pohuè Mea hakakanahau i te henua Hōata ia tiòhi te ènana. |
044 – Te pua kāùpe (La fleur du Kāùpe) – Pāòto 6A, faèhāmani tuaùa no Atuona
|
Me i to te vao mai i no he puaìna O tēnei tau kui tuehine Kāìèìa e ta âtou tau āhana.
Puàha nei i te māhina no Âvea Tihe i te māhina no Ūaòa Hinenaòìa e te puke hoa. |
045 – Te tīaè (La tiaré) – Tehina, Tepua, Tehihi me Vehine, faèhāmani tuaùa no Atuona
|
O òe te puàha nei i te pō To òe àupua mea māìta Mea kanahau to òe tino.
To òe pootu te pua tīaè Kāìèìa e te poì koìna Koakoa no te tau vehine. |
046 – Te Natura (La Nature) – Stéphanie AH-LO me Laina VALENTIN,
pāòto 4B, haèhāmani tuaùa no Hakahau, Ua Pou
|
Tapu nui te tau tekeo Umoì e hakaèpo te Natura Hakataìtaì tātou ia īa. Mea pootu te Natura o Ua Pou U hōata te pua io he tau tumu Hākai te ūa i te tau aka E hakaòri te metaki ia īa. E pupuà to īa kahu hou E tiaìa īa e te manu E kanahau te tau maka hou Hakahiamoe īa ia mātou. Hākai īa i te tau ânimara Hakataetae mātou ia īa E tupu īa paotū te vahi O īa te pohuè o te ènana. |
047 – Te tuaivi (La montagne) – Michaël KOHUMOETINI, pāòto 4A, haèhāmani tuaùa no Hakahau, Ua Pou
|
Me io koe e tupu te tumuèhi Auē to koe poèa nui e Koutee i tēia henua. Haaèkaèka no mātou Koe te pohuè o te ènana Me io koe e tupu te tumumiò. Ma te pōpōuì e kite au i te pou Enā me te â aê au e kite i te pou Mea kanahau oko te tuaivi |
048 – Te pua tīaè (La fleur de tiaré) – Steeve, Thomas, Joseph, Rahera me Florentine no te faèhāmani tuaùa no Atuona
|
Mea māìta nui to īa pua Mea kekaa oko tēnei tīaè No te kānea hei o to ù motua.
Tēnei tau tumu a to ù kui Te tūmoe ua hee te kekaa No te èkaèka o to ù huaa. |
049 – Te tahatai (Le bord de mer) – James IHOPU, pāòto 4A no te haèhāmani tuaùa no Hakahau, Ua Pou
|
Io mātou mea pupuà te one Mea haaèkaèka no mātou nei Me io te tai e pohuè te ika. Mea ènana e hee i te àvaika Mea tekeo te tau ika io he tai Mea mōmona le ika i înei. Ma te pō mea ika i Hakatao Mea mā te tai i Hakatao Mea haaèkaèka no mātou nei. |
050 – Te tai (La mer) – Alexandre BIHL me David GONCALVES, pāòto 4B no te haèhāmani tuaùa no Hakahau, Ua Pou
|
Ia topa te ūa, ua èpo te tai Pēpenaìa koe me te ika Na koe e kave mai te ènana. U hōata te pootu o te tai Mea pupuà te taimoana E hakaheke nei te poì hou. E kaukau mātou io he tai O koe te kaavai rui oko O koe te vaanui òa oko. |
051 – Te tumumei (L’arbre à pain) – Yvette KOHUMOETINI, pāòto 4A, haèhāmani tuaùa no Hakahau, Ua Pou
|
E vāhīìa koe me te àu O koe te tumu poèa înei E tukiìa koe mea pōpōi. Me i io koe ta mātou haraoa O koe te kahu o te ènana O koe te moni o te ènana. Tātāìa nei koe mea kahu Koe te kaitumu a te ènana Koe te haraoa a te ènana. |
052 – Te tumuèhi (Le cocotier) – Émilienne HUUTI, pāòto 4A, haèhāmani tuaùa no Hakahau, Ua Pou
|
O koe te tumu poèa i înei Ua vāhīìa koe me ta àu Tooìa te âkau mea pahu. O koe te pou o Ua Pou O koe te veo o te paepae O koe te vaiū a te tamaiti O koe te tumu òa oko mai. |
E kaveìa koe i Tahiti E tooìa koe mea kao E tooìa te ipu mea pora. E tooìa nei koe io he koìka E ninoìa to koe àupoà Mea tāpī te haè òriìa O koe te pani o te ènana. |
053 – Te tumuèhi (Le cocotier) – Darius me Tamahae KOHUMOETINI, pāòto 4B, haèhāmani tuaùa no Hakahau, Ua Pou
|
E òri te àu tumuèhi Te àupoà mea kānea haè Te àupoà mea àaka kete. E pohuè te ènana me te èhi E vahi te èhi mea kaikai Te àupoà mea àaka paè Te tumuèhi mea hakatū haè. E too au ia koe mea pani Nui te hana me te tumuèhi Mea ùmihiìa moni na mātou Me io koe te pohuè o mātou. |
054 – Moemoeā kanahau o Hia (Le beau rêve de Hia) – Gwendolina, kuàìa, pāòto 5A o te haèhāmani « Te Tau Vaeìa » no Taiohae, Nuku Hiva
|
Ua pī au i te koakoa U mahaò nui to ù òna kui Tāhia nui au i ta ù moî. Ua hakanana pakahio ia ù Ua hee ma àò te tumuâkau Haapeipei i tītahi kekaa Paku atu me te huhe ia īa. Kanahau oko tēnei pāhoè Keàpa te òuoho keekee Ua taki te èo èkaèka Mea oko nui te hīhīkōtaa. E taki ana tītahi èo mave Kave ma òto o te koìka rikuhe Haapei au te oà tupuna Ià, kaakū, mītō, meika. |
055 – Te tai (La mer) – Hugues TAPATI me Joël HATUUKU, pāòto 4B, haèhāmani tuaùa no Hakahau, Ua Pou
|
Moì nui e mākaka i te tai Na koe e hakapohuè i te tau ika E kānea nei te tau ènana i te vaka. E hī nei au i te tau ika io he tai O koe te tai aê pao vave Na koe e hakahee mai i te poti Na koe e kave mai i te manihii E hakahekeìa nei te kaùtai E hee te tau ènana i te ika hī O koe te tai hakakoakoa O koe te koakoa o te ika. |
056 – Te èo ènana (La langue marquisienne) – Thomas TAHITOHIUPOKO, pāòto 4B, haèhāmani tuaùa no Hakahau, Ua Pou
|
O koe te ati ènana nui e O īa te èo tupuna nui nei E hakaòko i to īa èo hei. O koe to tātou òna èo tupuna e Me io te Henua ènana mai koe Na to tātou tupuna i hakatū mai O īa te hakamevaha nui nei. Ma he èo ènana mātou i te tekao Oia nui nei te èo toko A hakapepeù i to tātou èo E te ati ènana a tū mai koe. |
057 – To ù Fenua ènata tāhia (Mes Marquises chéries) – Te pāòto 5A no te faèhāmani tuaùa a te hau no Atuona, Hiva Oa
|
Ia puhi te metani tokoàu U puàha to òe òna pootu E to ù Fenua ènata tāhia. E moemoeā tēnei no òe I ùna o tēnei anuanua E pupuà te tau hīhī no òe E to ù Fenua ènata tāhia. O te Fenua ènata to ù kui O te èpo o to ù tau tupuna A faì i te koìna òno nui E to ù Fenua ènata tāhia. A vaa, a tū e to Naìki nui Me io he hiva tihe i te puna Ua tihe te keèe òno nui E to ù Fenua ènata tāhia. A mave, a haka e te tau toa A ùtu mai e te tau pokoèhu E koìna matavaa na tātou E to ù Fenua ènata tāhia. |
058 – Te tau tupuna (Les ancêtres) – Kevin PENNONT, pāòto 4A, pāòto 4B, haèhāmani tuaùa no Hakahau, Ua Pou
|
Pēhea òa to âtou pohuè ? E aha ta âtou mea i vai ? Me i hea ta âtou kaikai ? E tau toa ènana hakaìki To âtou pohuèìa kātahi Te taetae o te haaènana Te nukuìa ma òto o te hana. E te tau ati ènana e, a tū A hakako i te hana me te nanu Hakataetae te èo ènana Te meitaì o te tau ènana. |
059 – Te paepae o Hina (Le paepae de Hina) – Hekeàni me Béatrice, pāòto 5B no te faèhāmani tuaùa a te hau no Atuona, Hiva Oa
|
Ua ìte au i te paepae Auē te kanahau o te àni To īa àpapatina te huìkē.
E ūa to ù tau moopuna e E huumutō te kohu o te àni O īa te paepae o Hina. |
060 – Te fetū kanahau (La jolie étoile) – Titaua me Teipo, pāòto 5B no te haèhāmani tuaùa a te hau no Atuona, Hiva Oa
|
I ùna, ùna, ma ùna o te ao Pupuà, pupuà te kaiū fetū E tiòhi nei ia òe anatu. E àma fetū, fetū kanahau Te pō, ìtetia e tahi fetū Pupuà òe, kanahau oko òe I ùna, ùna, ma ùna o te ao Tiòhi mātou ia òe mei àò Fetū mea kanahau oko òe Pupuà òe, kanahau oko òe To òe àma puàha te ao. |
061 – Te mama patu (Préparation des « mama ») – Rudy, Steven me Ferdy,
pāòto 5A no te faèhāmani tuaùa a te hau no Atuona, Hiva Oa
Note : les « mama » sont des chitons ou oscabrions, petits mollusques marins à carapace que l’on récolte sur les rochers.
Pour les préparer, on doit briser cette carapace ; c’est ce que chante ce poème.
|
U koàna ònohuu kete mama Àve io te faè e oo ana Mea tāfai i te tau poì hou. Te haapeipeitia i te hā taki au i te kohe no te tīkaò Kohi au i te mama i to he pora Koàna ònohuu kete i àò ; Mea nui te mama i to he kete Hoko atu mātou e ìma kete Te toena ua kai mātou E àva keî te mama na mātou. |
062 – Te maù o to ù fenua (le calme de mon pays) – Johanne me Mailys,
pāòto 5B no te haèhāmani tuaùa a te hau no Atuona, Hiva Oa
|
Haapūnanaìa e te âkau Na te hana kākiu moni ai òe E vivini nei au ia òe. E tumu âkau hōhonu nui à E òri nei te tau kaikai paa Vai pupuhi moemoeā òe E vivini nei au ia òe. Mea koè te pua kanahau Peàu ana ia òe, e maù Mea pootu, e kanahau òe E vivini nei au ia òe. Ua ìte hoì au ia òe Ma hope o to òe tau maù Ua ìte au o ai òe O òe to ù fenua anatu. |
063 – Te òumati (Le soleil) – te pāòto 5B no te haèhāmani tuaùa a te hau no Atuona, Hiva Oa
|
No te haapuàha i te ènana Me i òto o te pōtano keevō I àò o te maù o tēnei èpo. To òe tau hīhī pupuà nui Haamoû i te huaafaè nui Te veàveà o to òe metani I àò te maù o tēnei àni. U keàpa nui te tai anaè I to òe pupuà paona koè E koìna tēnei ta ù pāhoè I àò te maù o tēnei faè. |
064 – Te toa moa (Le coq) – Victor, Christopher me Kévin, pāòto 5B no te haèhāmani tuaùa a te hau no Atuona, Hiva Oa
|
E hakavaa i te mataèinaa Te veò na te tau pūpū koìna O òe tēnei e fāfai nei. U hiamoe i te hora e tahi E popoììa òe no te kai E too au i to òe kaiū upoo Kāòti to ù hoa i to òe upoo. Haaveàveàtia ia òe Kāvaììa òe i to he kaikai Na òe i kamo i ta ù kaikai No èià e kai au ia òe. Na òe e haapohoè ia ù No èià e ùa motua Umoì e ùmiùmi i te tau moa A too te koekoe haamoû. |
065 – Te ika pūkiki nui (Le poisson rouge vif) – Eddy BARSINAS, pāòto 3B no te haèhāmani « Te Tau Vaeìa » no Taiohae, Nuku Hiva
|
Kau ana me te veò Kii pī i te unahi He nino pūkiki nui.
To īa mata pupuà Ìmi ana i te kai He tai menino nui.
E keu à ma he tai I vaho o te henua Tū ana io he keâ. |
066 – Te tau ahiahi nui (Les soirées) – Albertine TEIKITEEPUPUNI, pāòto 3B no te haèhāmani « Te Tau Vaeìa » no Taiohae, Nuku Hiva
|
Ua tani te manu kīkī Ua huhua te ènana Enā haaao te henua.
Io he tahatai nui Ua hua te tau tupa Io to âtou ùa.
Hīhiamoe te ènana Me io te tau haè Tihe atu i te hora. |
067 – Te mahaòìa o to au motuhenua (Merveille de mon île) – Antoinette TAMARII, pāòto 3A no te haèhāmani « Te Tau Vaeìa » no Taiohae, Nuku Hiva
|
Me i te taki kōnini o te moa Me te mākeokeo o te metaki Ùka iho o to òe nino nei. U puàha te hīhī òumati No to òe mahaò ia īa Maakau te meitaì o te â E haapei no te heke i te hana. E heke au me te pootu o te â He vaanui e puàha te pua I tītahi kanahau oko Me te èo kōnini o te kōmako. |
068 – Te tau ikoa no te pohuèìa (Les noms de la vie) – Ornella TEKOHUOTETUA,
pāòto 4A no te haèhāmani « Te Tau Vaeìa » no Taiohae, Nuku Hiva
|
Na ôtou i tuku ia ù I te koakoa me te kāòha E tahi kākaùooìa tātou. Mea kōea pao tātou E hīmene ana ôtou E uē ananu nei au No te kāòha ia ôtou. Tiòhi au i te tau hetū Ua koè to ù vaimata To ôtou mata katakata Aê tuhaè me ia ù. |
069 – E heke e (Eh, la pieuvre !) – Margareth KEUVAHANA, pāòto 3A no te haèhāmani « Te Tau Vaeìa » no Taiohae, Nuku Hiva
|
I to òe e vaù Ta òe haìna tōua Te pūkava me te ìmu.
Te puka o te āìa Ta òe oà e ìi Mōmona ta òe înaì. I tihe mai te mate Tioà òe i te au Koàna òe i te rere Umoì e haamate. |
070 – Te potu (Le chat) – Yvon TAUPOTINI, pāòto 4B no te haèhāmani « Te Tau Vaeìa » no Taiohae, Nuku Hiva
|
Me to īa huu E hā vae òoa Niho taataa.
Ma àò he haè Ìtea e te peto Me to īa hemo. Kamo kaikai Io he tapukai Pehia te potu Me te rere atu. |
071 – Te koutee o te pītake (Le voyage du phaéton) – Joël KIIPUHIA, pāòto 5C no te haèhāmani « Te Tau Vaeìa » no Taiohae, Nuku Hiva
|
Ua kave i ta īa keèe Ma he aomāàma vii pu U pihatu i nā pekeheu. Hee pītake i te koutee E hīmene to īa heena Me i to īa pohoètina Te aomāàma e pohuè. Ùmihi īa i te òumati Kanahau te moemoeā Te henua no te pohuèna E ìte īa i te òumati. |
072 – Te pohuè tama ènana (Vie d’enfant marquisien) – Vaite POIHIPAPU, pāòto 3B no te haèhāmani « Te Tau Vaeìa » no Taiohae, Nuku Hiva
|
To kii menia ananu Òuoho kekaa pao Me he kekaa o te hinako. Kaveìa oko no òe He taki èka te hīmene Òe te tama hakaìki Òe te hīhī òumati. Kāìèìa to motua Te tama makimakiìa He kui pootu to òe I haakāòha ia òe. |
© Te Haè tuhuka èo ènana - Académie marquisienne – décembre 2020
Propulsé par CComment